மெரினா https://railkavi.com/wp-content/uploads/2017/01/marina.m4a சிலைகளால் எனக்கு பெருமையில்லை சமாதிகளால் எனக்கு பெருமையில்லை காதலர்களை குடும்பமாக்கியதில் பெருமையில்லை வியாபாரங்களின் வாழ்வாதாரமென்றும் பெருமையில்லை நீளக்கரையென்றும் பெருமையில்லை மரபென்ற தரைப்பெயர்ந்து உணர்வுகளின் சுனாமியாய் வேற்றுமை மறந்து அறவழி அலையென மனிதர்களாய் உயர்ந்து நின்ற - உங்களை என் கைகளிலேந்தி உலகுக்கு உயர்த்தி இது ஒற்றுமையின் இனமென உங்களுள் ஒருத்தியாய் நானும் நின்றதில் முதல் முறையாய் பெருமைப்படுகிறேன் என்றாள் மெரினா மனிதனைப்பார்த்து -- என ஆனந்தன் --
இனிய பொங்கல் வாழ்த்துக்கள் https://railkavi.com/wp-content/uploads/2017/01/pongal.m4a குடும்பமென்ற பொங்கல் பானைக்குள் உணர்வென்ற அரிசியிட்டு உறவென்ற சர்கரையிட்டு கலகலப்பென்ற நீர் சேர்த்து விரகென்ற துக்கங்களை எரித்து பொங்கி வரும் பொங்கலைப்போல் உங்கள் வாழ்வும் பொங்க கீதா மற்றும் ஆனந்தின் இனிய பொங்கல் வாழ்த்துக்கள்.
நாளைய நம்பிக்கை https://railkavi.com/wp-content/uploads/2017/01/nambikkai.m4a நாளை விடியுமென்பது - நம்பிக்கை நலமாய் விடியுமென்பது - நம்பிக்கை இன்றைவிட இனிக்குமென்பது - நம்பிக்கை அமைதியாய் இமை மூடுமென்பது - நம்பிக்கை ஒவ்வோர் புத்தாண்டும் சிறப்பாய் அமையுமென நம்பிக்கையில் அடிவைக்கின்றோம் ! மாதம் சில கடந்து திரும்பிப்பார்க்கையில் முந்தைய ஆண்டு பசுமையென ஒர் உணர்வு எத்தணை மாற்றங்கள் இனத்தாலும், பணத்தாலும் உள்நாட்டிலும் , உலகளவிலும் திறனில்லா தலைவர்கள் தரமில்லா கொள்கைகள் திசையில்லா தொண்டர்களென தொடர்கிறோம் இனி வரும் வருடங்கள் இனிமையாய் இருக்குமென உள்ளமது எற்க மறுக்கிறது எனினும் முயற்சியின் முன்னோடி நம்பிக்கையெனும் உயிர் கோபத்தை குறைத்து விரோதத்தை தொலைத்து தவற்றை மன்னித்து அன்பால் அரவணைத்து வீடும் , நாடும் அமைதியாய் செழிக்குமென்ற நம்பிக்கையில் மீண்டுமோர் புத்தாண்டில் அடிவைப்போம் ----- என நாளைய நம்பிக்கையில் ஆனந்தன்
இரயில் பயணங்களில்.... 